Qoyun əti və quyruq baş soğanla birlikdə ət taxtasında döyülür və ya ətçəkən maşından keçirilir. Ona duz, istiot, yumru düyü və zövqə görə darçın vurulur, xırda doğranmış keşniş, şüyüd, nanə qarışdırılır. Yarpaq dolması üçün əsasən ağ şanı, kişmişi və s. üzüm növlərinin yarpaqları həm təzə, həm də duza qoyulmuş halda istifadə olunur. Üzüm yarpağının saplağı kəsilir, içlik qoyularaq bükülür və sapa düzülür. Dolma dərin qazana yığılır. Qazanın üstünə boşqab qoyulur və üzərinə çıxacaq qədər su əlavə olunur. Dolma vam odda 40-50 dəqiqə bişirilir. Süfrəyə sarımsaqlı qatıqla verilir.