Meynə qorası, yəni kal üzüm gilələnir, taxta təknədə əzilir, əvvəl süzgəcdən, sonra ikiqat tənzifdən süzülür. Süzülmüş şirə şüşə qablara doldurulur və günəş şüası altında 30-40 gün saxlanır. Bu üsulla hazırlanan abqoranın daxilində qıcqırma baş verir, az miqdarda etil spirti və sirkə turşusu əmələ gəlir. Abqora əsasən ağ üzüm sortlarından hazırlanır, qaranlıq və sərin yerdə saxlanılır.