Un, duz və ilıq su ilə xəmir yoğrulur. İçlik üçün göyərtilər yuyulur, aşsüzənə yığılır, suyu süzüldükdə doğranır. Xəmir kündələnir, yayılır, yarı hissəsinə içlik qoyulur, üzərinə duz, istiot səpilir, əridilmiş kərə yağı gəzdirilir. Yaymanın digər yarısı içliyin üzərinə qatlanıb kənarları bərkidilir. Sac üzərində hər iki tərəfi bişirilir və yağlanır. Süfrəyə verildikdə yanına qatıq qoyulur.